ग्रामपंचायत शिवनेरी

शिवनेरी गावाला छत्रपती शिवाजी महाराजांच्या पदस्पर्शाचा पावन वारसा लाभला आहे. किल्ले शिवनेरीच्या पायथ्याशी वसलेल्या या गावात स्वराज्याच्या सैन्यासाठी आवश्यक असणारे शूर मावळे, घोडेस्वार आणि रसद पुरवठा केंद्र होते. पेशवेकालीन कागदपत्रांमध्ये शिवनेरी गावाचा उल्लेख “सुपे परगण्यातील जलसमृद्ध व बागायती गाव” असा आढळतो.

भारताच्या १९४२ च्या ‘चले जाव’ स्वातंत्र्यलढ्यात शिवनेरी गावातील देशभक्तांनी सक्रिय सहभाग नोंदवला होता. कै. बापूराव मारुती शिंदे यांच्या नेतृत्वाखाली गावच्या तरुणांनी रेल्वेमार्ग रोखणे व भूमिगत चळवळीत योगदान दिले. भारत सरकारने गावाला ताम्रपट देऊन गौरविले आहे.